Республикæ Хуссар Ирыстоны Знауыры районы прокуратурæйы кусджытæ Знауыры астæуккаг скъолайы ахуырдзаутæ бакастысты лекци ахæм темæйыл: «Ма бауадзын криминалон субкультурæйы пропагандæ». Мадзалы сæйраг нысаниуæг уыд рæзгæ фæлтæры барадон ахурдзинад фæбæрзонддæр кæнын.

Фембæлды рæстæджы скъоладзаутæн бамбарын кодтой криминалон субкультурæ, ома, «АУЕ»-йы бындурон аспекттæ.

Афтæ ма скъоладзауты багонгæ кодтой Хуссар Ирыстоны æмæ Уæрæсейы Федерацийы нормативон акттимæ, кæцытæ криминалон субкультурæйы архайд нымайынц экстремистоныл, æрдзырдтой змæлды сæйраг нысæнтты парахатыл æмæ бамбарын кодтой, цæмæй ацы культурæйы пропагандæ кæнын кæй нæ хъæуы.

Знауыры районы прокуроры æххуысгæнæг Пухаты Эдуард скъоладзауты зæрдыл æрлæууын кодта административон æмæ уголовон бæрндзинад ацы субкультурæйы парахат кæныны тыххæй æмæ æрсидт ахуырдзаутæм, цæмæй закъон ма халой.

Фембæлды кæронбæттæны закъоны минæвар æмæ скъоладзуты æхсын бацайдагъ ныхас. Ахуыргæнинæгтæ алыхуызон фарстытæ дæттой, кæцытыл дзуапп райстой прокуратурæйы кусæгæй.