Республикæ Хуссар Ирыстоны Парламенты 2024 азы 6 декабры № 74-С уынаффæ «Республикæ Хуссар Ирыстоны Парламенты бæрæг уынаффæтæ æнæкуыст кæныны тыххæй» райсты фæдыл, кæцы аиуварс кодта, сæрмагондæй, Республикæ Хуссар Ирыстоны Парламенты Уынаффæ 2002 азы 2 октябры N C-9/ 3 «Республикæ Хуссар Ирыстоны территорийыл Уголовон-процессуалон закъондæттынады архайды тыххæй», Республикæ Хуссар Ирыстоны Парламенты 2007 азы 10 октябры уынаффæ «Республикæ Хуссар Ирыстоны территорийыл Уæрæсейы Федерацийы Уголовон-процессуалон закъондæттынады нормæтæй пайда кæныны тыххæй», Генералон прокуратурæ фæнд кæны мадзæлттæ ауадзын лекциты æмæ фæлварæнты хуызы.

Хуссар Ирыстоны Генералон прокуратурæйы Фæдысгæрсты хайæдты разамонджытæ, горæты æмæ районы прокуратурæйы, Республикæ Хуссар Ирыстоны æфсæддон прокуратурæйы разамонджытæ лекцитæ ауадздзысты хистæр фæдысгарджытæн, республикæйы Генералон прокуратурæйы Фæдысгæрсты хайæдты фæдысгарджытæн, Республикæ Хуссар Ирыстоны æфсæддон прокуроры æххуысгæнджытæн æмæ æфсæддон фæдысгарджытæн, горæты æмæ районты прокуратурæты прокурорты æххуысгæнджытæн æмæ фæдысгарджытæн.

Лекциты кæронбæттæны ауагъд цæудзысты фæлварæнтæ прокуратурæйы кусджыты теоретикон æмæ профессионалон цæттæдзинады æмвæзады объективон аргълæвæрды бындурыл Уæрæсейы Федерацийы Уголовон-процессуалон закъондæттынады нормæтæй пайда кæныны тыххæй, кæцы йæ тыхы бацыд Республикæ Хуссар Ирыстоны.

Абон фыццаг лекцитæ ауагъта Хуссар Ирыстоны Генералон прокуратурæйы Фæдысгæрсты хайæдты уæлдай ахсджиаг хъуыддæгтæ бæрæг кæныны хайады сæргълæууæг Бестауты Вильям.