Республикӕ Хуссар Ирыстоны прокуратурӕйы органты кусджыты квалификаци фӕбӕрзонддӕр кӕныны программӕйы фӕлгӕты, кӕцы цӕуы Уӕрӕсейы Федерацийы прокуратурӕйы Университеты бындурыл Мӕскуыйы, ӕмӕ Республикӕ Хуссар Ирыстоны æмæ Уӕрӕсейы Федерацийы Генералон прокуратурӕты ӕхсӕн ӕмгуыстады бадзырды бындурыл, абон уагъд æрцыд Республикӕ Хуссар Ирыстоны Генералон прокуратурӕйы прокуророн кусджыты кусӕн фембӕлд се 'мкусджытимӕ Мӕскуыйы прокуратурӕйы.

Фембæлды рæстæджы Республикӕ Хуссар Ирыстоны Генералон прокуроры хӕдивӕг Плиты Алан Республикӕ Хуссар Ирыстоны Генералон прокурор Собайты Григорийы номӕй схорӕхджын кодта уагдонадон хӕрзиуӕгӕй– Республикӕ Хуссар Ирыстоны прокуратурӕйы майдан «Æххуысы тыххæй» Мӕскуыйы прокуроры хӕдивӕг Наталья Безгинайы. Хӕрзиуӕг лӕвӕрд ӕрцыд Республикӕ Хуссар Ирыстоны Генералон прокуроры бардзырдмӕ гӕсгӕ республикӕйы прокуратурӕйы органтӕн ӕххуыс кӕныны тыххӕй прокуратурӕйы размӕ ӕвӕрд хӕстӕ ӕххӕст кӕныны хъуыддаджы.

Мӕскуыйы прокуратурӕйы фембӕлд уыд квалификаци фӕбӕрзонддӕр кӕныны мидисджын программӕйы хай, кӕцыйы фӕлгӕты Республикӕ Хуссар Ирыстоны прокуратурӕйы кусджытӕ ахуыр кӕнынц Уӕрӕсейы Федерацийы прокуратурӕйы университеты.