Бæрæгбоны рагагъоммæ Республикæ Хуссар Ирыстоны Генералон прокуратурæйы уагъд æрцыд кадджын æмбырд æмæ хорзæхджын æрцыдысты уæлдæй сгуыхтдæр кусджытæ. Коллективмæ сидгæйæ, Республикæ Хуссар Ирыстоны Генералон прокурор Собайты Григорий банысан кодта, зӕгъгӕ, Райгуырӕн бӕстӕ хъахъхъӕнӕг у, йӕ ӕнӕзӕрдӕхудт фӕллойӕ йӕ бӕстӕ хъахъхъӕныны иумӕйаг хъуыддагмӕ йе 'ххуысы хай чи хӕссы, паддзахадон цард фидар чи кӕны, ӕгъдау ӕмӕ барад, ӕдасдзинад ӕмӕ ӕхсӕнады фарн сифтонг кӕнынӕн ахъаз чи у, уыдонӕй алчидӕр.

Цытджын уавæры лæвæрд æрцыдысты къласон чинтæ Республикæ Хуссар Йæ куысты хæстæ цæсгомджынæй кæй æххæст кæны æмæ æнтыстыты тыххæй, Генералон прокуратурæйы Фæдагурæн управленийы хайады фæдсгарæг Тыджыты Вадим хорзæхджын æрцыд кады гæххæттæй. Йӕ куысты хӕстӕ ӕнӕзӕрдӕхудт ӕххӕст кӕныны тыххӕй Генералон прокуратурæйы Фæдагурæн управленийы хайады фæдсгарæг Дыгъуызты Владимир хорзæхджын æрцыд Республикæ Хуссар Ирыстоны прокуратурæйы майдан «100 аз закъон æмæ фæткы хъахъхъæнынадыл»-æй.

Цытджын уавæры лæвæрд æрцыдысты къласон чинтæ Республикæ Хуссар Ирыстоны Æфсæддон прокурор Цхуырбаты Юрийæн, Знауыры районы прокурор Цхуырбаты Хъазбегæн æмæ Цхинвалы районы прокурор Уалыты Аланæн.

Генералон прокурор банысан кодта кусджыты канд бæрзонд дæсныдзинад нæ, фæлæ ма сæ бæрндзинад, принципиалондзинад æмæ куыстыл æнувыддзинад.

Мадзалы кæрон Собайты Григорий алкæмæндæр раарфæ кодта æрбалæугæ бæрæгбоны тыххæй, йӕ зӕрдӕ загъта бӕркад, дарддӕры профессионалон ӕнтыстытӕ ӕмӕ ног ӕнтыстытӕ Закъон ӕмӕ Фыдыбӕстӕйӕн лӕггад кӕныны хъуыддаджы.