Республикæйы æфæддон прокуроры æххуысгæнæг Джибæлты Аланæ бакаст лекци Республикæ Хуссар Ирыстоны хъахъхъæнынады Министрады æрыгонты ротæйы сæрмагонд скондæн.

Цыппор æфсæддоны бæрц байхъуыстой ахæм темæмæ, куыд: «Фыдракæндтæ æфсæддон службæйы ныхмæ».

Сæрмагонд хъусдард æфсæддон прокуроры æххуысгæнæнг аздæхта фыдракæндтæм, кæцытæ нысангонд сты Уæрæсейы Федерацийы Уголовон кодексы 33-æм сæры, хӕстон службӕ ӕххӕст кӕныны бӕлвырд фӕткы ныхмӕ фыдракӕндтӕ, ӕфсӕддон службӕ чи кӕны, уыцы ӕфсӕддонтӕ сидтмӕ гӕсгӕ кӕнӕ контрактмӕ гӕсгӕ Республикӕ Хуссар Ирыстоны Гӕрзифтонг тыхты, стӕй ма фӕсауӕрц чи вӕййы, уыцы æмбæстæгтӕ хӕстон ӕмбырдты рӕстӕг.

Æфсæддонтæн лæмбынæг радзырдтой цавæр къордтыл дих кæнынц фыдракæндтæ: ӕфсӕддонты ӕхсӕн ахастдзинӕдты уагӕвӕрд ӕмӕ уагӕвӕрдты ныхмӕ фыдракӕндтӕ; ӕфсӕддон службӕйӕ хи аиуварс кӕнын; хӕстон мулк хъахъхъӕныны ӕмӕ хӕстон-техникон фӕрӕзты эксплуатацийы ӕгъдауы ныхмӕ фыдракӕндтӕ.

Æфсæддонтæн ма бамбарын кодтой, алы фыдракæндты къордтæ конд кæй сты цалдæр уацтæй.

Лекцийы рæстæджы Хуссар Ирыстоны æфсæддон прокуроры æхууысгæнæг банысан кодта, аххосджынты афоныл дзуапдӕттынмӕ ӕрбакӕнын у ӕфсӕдты ӕгъдау ӕмӕ барадхъахъхъӕныны фӕрӕзтӕй иу, зӕгъгӕ, иу фыдракӕнд дӕр хъуамӕ ӕнӕ аккаг ӕфхӕрдӕй ма баззайа.