Республикæ Хуссар Ирыстоны Æфсæддон прокуратурæ байгом кодта уголовон хъуыддаг фæндагон-транспортон цауы фæдыл, кæцыйы æрцыд æртæ удзиан.

Æвирхъау хабар æрцыд 2026 азы 27 июны. Бынаты фæзиан сты æртæ адæймаджы.

Фæдагуырды рæстæджы бæрæг æрцыд фæндагон-транспортон цауы аххосджын. Процессуалон фæткмæ гæсгæ ахст æрцыд æмæ конд у камерæйы рæстæгмæ. Ныртӕккӕ фæдагуырд цӕттӕ кӕны куырдиат тӕрхондонмӕ, цӕмӕй йын йӕ ныхмӕ равзарой уромӕн мадзӕлттӕ ахсты хуызы.

Уголовон хъуыддаджы нысангонд ӕрцыд тӕрхондоны экспертизӕты комплекс, уыдонимӕ автотехникон ӕмӕ медицинон экспертизӕтӕ дӕр, цы 'рцыд, уымӕн бӕлвырд аххосӕгтӕ ӕмӕ механизм сбӕрӕг кӕныны тыххӕй. Активонӕй цӕуынц ӕндӕр фæдагурæн архайдтытӕ, сӕ нысан у, цы 'рцыд, уый ӕппӕт уавӕртӕ сбӕрӕг кӕнын, бӕлвырдгӕнӕн бындур ӕрӕмбырд кӕнын ӕмӕ ныффидар кӕнын.

Фӕдсгӕрстмæ Генералон прокуратурӕ лæмбынæг йæ цӕст дары.