Республикӕ Хуссар Ирыстоны Æфсӕддон прокуратурӕ байгом кодта уголовон хъуыддаг Республикӕ Хуссар Ирыстоны Паддзахадон ӕдасдзинады комитеты Арӕнхъахъхъӕнынады фӕткдаруаты бӕрнон кусджытӕй цалдӕры ныхмӕ.

Хъуыддаг арæзт цæуы, республикæйы Паддзахадон æдасдзинады комитетæй цы басгӕрсты æрмæджытæ ӕрбацыд, уыдонмæ гæсгæ. Хъуыддаг байгом кодтой Уголовон кодексы 160-æм уацы 4-æм хаймæ гæсгæ (республикæйы æххæстгонд цæуы) – адæймæгты къорд рагагъоммӕйы бадзырдмӕ гӕсгӕ развæлгъау фыдвæндæй уæлдай стыр масштабты, сæ официалон бынатæй спайда кæнгæйæ, æууæнкджын исбон кæй истой, уый.

Фæдагуырды бæрæггæнæнтæм гæсгæ, гуырысхойӕгтӕ, сӕ службӕйон уавӕрӕй пайда кӕнгӕйӕ ӕмӕ фыдгӕнӕг ӕмвӕнд скӕнгӕйӕ, бухгалтерон документты ныхкъуырд радтой товарон-материалон хӕзнатӕ, уӕлдай егъау бӕрцыл нымад чи цӕуы, ахӕм мӕнг ӕлхӕдӕн.

Ӕцӕгдзинадӕй мулк ӕлхӕд ӕмӕ ӕнцойгонд не ' рцыд. Ӕхцайы фӕрӕзтӕ сфыстой мӕнг ӕлхӕды гӕххӕттыты ӕмӕ мӕнг хæрдзты хыгъдлæвæрдты бындурыл.

Лӕмбынӕгдӕр ӕмӕ объективондӕр фӕдсгӕрстӕн сифтонг кæныны тыххæй арӕзт ӕрцыд иумӕйаг фӕдсгарӕн-оперативон къорд, уырдӕм хаст ӕрцыдысты куыд Ӕфсӕддон прокуратурӕйы кусджытӕ, афтӕ Республикӕ Хуссар Ирыстоны КГБ-йы кусджытӕ дӕр. Ныртæккæ иумӕйаг фӕдсгарӕн-оперативон къорд кусы, цы ӕвдисӕйнӕгтӕ дзы ис, уыдон фидар кӕныныл, стӕй ма бӕрӕг кӕны, гуырысхойӕгтӕ гæнæн бастдзинад æндæр фыдракæндты.